Einkultstyrkjaðar linsur eftir tínum tørvi

Eindagslinsur

Eindagslinsur eru skjótar og lættar at nýta. Tú fært ein pakka við nýggjum linsum hvønn dag, og hvørt kvøld tekur tú linsurnar úr og tveitir tær burtur, áðrenn tú fert í song. Næsta morgun tekur tú einar nýggjar úr pakkanum, setur tær í, og á hendan hátt sleppur tú undan at nakrantíð reinsa tær.

Hjá Skilling hava vit altíð eindagslinsur av hægstu góðsku, sum hóska til júst tíni eygu, so kom innar, og hoyr meira um tínar møguleikar.

14-dagslinsur

14-dagslinsur eru framleiddar úr serligum plast- ella silikontilfari, sum gevur eygum tínum bestu fortreytir. Til tess at linsurnar skulu vara í 14 dagar, er galdandi fyri flest sløg, at tú tekur linsurnar úr og reinsar tær hvørt kvøld, áðrenn tú fert í song. Eftir 14 dagar tveitir tú tær burtur og tekur einar nýggjar úr pakkanum.

Mánaðarlinsur

Við mánaðarlinsum kanst tú brúka somu linsur í upp til 30 dagar. Linsurnar eru gjørdar til at bara ganga við í ein dag hvørja ferð, so tú tekur tær úr um kvøldið og goymir tær í reinsiløgi um náttina. Tað, at tær eru so lættar at reinsa, ger tær sera væl umtóktar, og so eru tær meira fastar í tí enn eindagslinsur. Bleytar mánaðarlinsur loyva væl súrevni at treingja ígjøgnum og eru til úr bæði silikon- og plasttilfari.

Samdøgurslinsur

Samdøgurslinsur er linsur, tú kanst hava í alt samdøgrið. Orsøkin til, at tú kanst sova við teimum, er, at tær eru framleiddar úr silikon-hydrogelé, sum tryggjar tínum eygum ivaleyst av súrevni. Samdøgurslinsurnar geva tær eyka frælsi, men tú eigur bert at brúka linsur alt samdøgrið, eftir at tú hevur tosað um tað við optikaran. Harafturat eigur tú at vera serliga varugur við, hvussu tað merkist í eygunum at ganga við linsum alt samdøgrið, og so eigur tú av og á at fara til optikaran og lata hann hyggja eftir linsunum. Kjansurin fyri at merkja ampa av linsunum minkar, um tú avmarkar nýtsluna mest gjørligt, tekur tær úr og reinsar tær og somuleiðis vaskar tær væl um hendurnar, áðrenn tú handfert tær.

Súrevni er gott fyri eyguni

Visti tú av, at súrevni er tað týdningarmesta fyri tína eygnaheilsu?
Linsur, ið syrgja fyri, at eyguni fáa ivaleyst av súrevni, geva tær hvít og sunn eygu. Meira súrevni, eyguni fáa, í longri tíð ber til at brúka linsurnar hvønn dag.